Елон Маск преку неговиот омилен начин на комуникација со јавноста, неговиот Twitter профил, како одговор на твитот од корисник, најави дека Tesla автомобилите ќе добијат нов „стражарски режим“ за заштита на автомобилот.
Овој режим ќе им овозможи на корисниците да имаат снимки од околината на автомобилот, снимени со веќе достапните камери кај Tesla автомобилите. Со тоа тие ќе можат да откријат кој им го има оштетено возилото додека било паркирано некаде.
Tesla Sentry Mode coming soon for all cars with Enhanced Autopilot https://t.co/x2buQWiABX
— Elon Musk (@elonmusk) January 22, 2019
Дали од Tesla ова го планираат поодамна или корисникот на Twitter им ја дава идејата, не е важно. Важно тој испраќа слика од неговиот автомобил како е чукнат додека бил паркиран, истканувајќи дека е баш во делот каде се камерите, па би било добро кога би имало функција која ќе снима 360 степени видеа додека автомобилот е паркиран.
Како точно ќе функционира овој режим, Маск не објасни, па останува да се види кога ќе дојде со некоја од наредните надградби на софтверот, која ќе донесе и подобрувања во Autopilot системот.