Влегувањето на одредени автомобили во категоријата на паметни уреди/производи, значи и дека само прашање на време е кога и тие ќе станат мета на хакерите. Тоа станува многу полесно со додавањето на можност за контрола на автомобилите преку интернет, а со тоа и софтвер кој што може да содржи одредени безбедносни пропусти.

Иако не е првпат, случај на појава на пропуст кој што може да се искористи за хакирање на возилото и преземање на контрола врз него е прикажан на Jeep возилото.

Не се работи за вистински случај, туку за тестирање на откриениот пропуст од страна на истражувачите Чарли Милер и Крис Валасек. Возилото било возено од страна на Енди Гринберг од Wired со цел тестирање на можноста за хакирање на истото.

Тестот бил успешен, односно двајцата истражувачи успеале да се поврзат со возилото и да контролираат повеќе негови функции на оддалеченост од повеќе од 15 километри, додека возилото било возено на автопат.

Charlie Miller, a security researcher at Twitter, and Chris Valasek, director of Vehicle Security Research at IOActive, have exposed the security vulnerabilities in automobiles by hacking into cars remotely, controlling the cars' various controls from the radio volume to the brakes. Photographed on Wednesday, July 1, 2015 in Ladue, Mo. (Photo © Whitney Curtis for WIRED.com)

Тие успеале да ги вклучат бришачите на шофершајбната, да го контролираат системот за климатизација, кочниците, радиото и слично.

Контролата на возилото е направена преку хакирање на Uconnect системот кој што им овозможува на корисниците на возилото пристап до одредени функции, како и следење преку мобилна апликација.

Закрпа за пропустот во софтверот е веќе издадена, а корисниците ќе мора истата да ја симнат и мануелно да ја инсталираат преку USB во својот автомобил.

Извор: Cnet, Wired

Фото: Wired

Претходна статијаОбјавени спецификациите на Moto G од страна на шведска продавница
Следна статијаСите уреди во Microsoft ќе бидат под водство на Панос Панај
Својот интерес во областа на паметната технологија го развива одамна како хоби кое што прераснува во нешто повеќе, па резултатот на тоа е и развојот на овој портал. Сака да ги следи сите новини поврзани со оперативните системи, апликациите, мобилните телефони, но и интересните научни и вселенски истражувања.