General Motors најави дека на 3-ти април ќе ја претстави втората верзија од целосно електричниот Hummer. Првата верзија беше направена во форма на „пикап“, додека втората ќе биде класичен SUV.
Производството на пикап верзијата треба да почне до крајот на годината, а за SUV верзијата уште нема поточни информации.
GM го прекина производство на познатиот Hummer уште во 2010, а една од причините е огромната потрошувачка на гориво по што е познат овој огромен автомобил.
Сега Hummer се враќа во целосно електрична форма, како дел од планот на компанијата да претставува повеќе електрични автомобили во годините што следат.
Повеќе информации за Hummer SUV ќе може да видиме на неговото претставување идниот месец, а се очекува да ќе има батерија која ќе му овозможи да помине околу 650 километри со едно полнење.
