Познатиот Минг-Чи Куо, кој најчесто ги погодува работите за кои објавува информации, овој пат излезе со негово предвидување, врз основа на следењето на работата на Apple. Тој очекува дека Apple ќе претстават паметни контактни леќи, односно со проширена реалност во 2030-тите.
Ваквото предвидување, посебно кога ќе се земе во предвид периодот, можеби звучи несериозно, но сепак треба да се земе доволно како мерка. Луѓе како Минг-Чи Куо, кои се што прават е следење на работата на одредена компанија, многу често знаат да направат добро предвидување.
Дефинитивно можеме да ја замислиме иднината со едни вакви леќи кои веќе ги гледаме во филмовите. Луѓето веќе нема да мораат да гледаат во своите мобилни телефони за доста информации, а истите ќе им бидат прикажани во нивното видно поле.
За идната година се најавува дека Apple ќе претстават уред за виртуелна и проширена реалност, а за 2025 се најавува дека од компанијата ќе претстават очила за проширена реалност, односно нешто како што беа Google Glass.
