Ова е можеби нешто што помалку се очекуваше, а посебно поради можноста на програмерите да работат и од дома. Сепак, Google одлучи да ја одложи најновата верзија од Google Chrome која требаше да биде пуштена оваа недела.
Наместо тоа, Google Chrome 81 ќе биде пуштена во иднина, додека Chrome 80 ќе продолжи да добива само безбедносни надградби.
Со оглед на тоа дека Chrome е направен на основа на отворениот Chromium код, ова одложување изгледа ќе ги одложи новите верзии и на другите прелистувачи кои се прават на овој код, како Microsoft Edge, Opera, Brave и други, барем кога е во прашање основниот код.
Причината, како што истакнуваат од Google, е променетиот, односно прилагоден распоред за работа во овој момент, па пуштањето на новите верзии е ставено на пауза.
За корисниците ова нема да претставува некаков проблем, се работи за една верзија, а безбедносните надградби нема да застанат.
