После период на тестирање, сите корисници на Spotify ја добиваат новата можност за прикажување на стиховите од песните кои ги слушаат. Ова им следува на сите корисници, односно и тие кои ја користат бесплатната верзија од сервисот, како и тие кои плаќаат.

До стиховите се стигнува едноставно со повлекување нагоре кога е отворена моменталната песна која е пуштена, кај мобилните апликации. Истото е достапно и преку десктоп апликацијата, а стиховите се пуштаат со притискање на микрофон иконата, а за тие кои би сакале да направат и мало караоке, стиховите се достапни и на апликацијата на телевизорите.

Стиховите се интерактивни, односно се прикажуваат точно во делот каде е песната, па корисниците можат точно да ја следат песната без да бараат до каде е стигнат текстот од истата.

Препознавањето на стиховите е направено во соработка со познатиот сервис Musixmatch, а стиховите се достапни за поголемиот дел од достапната музика, односно може да наидете и на музика за која не се достапни.

При гледањето на стиховите достапно е и копче за споделување, па корисниците наместо само песната, можат да ги споделат стиховите, на друштвените мрежи, а и на пријателите приватно.

Стиховите се достапни на Spotify веќе една недела, што значи дека сите корисници кои редовно ја ажурираат својата апликација, веќе треба да ја имаат добиено оваа можност.

ИЗВОРSpotify
Претходна статијаRenault AIR4 е летaчка верзија од легендарното Renault 4
Следна статијаПрв златен медал во историјата за македонски учесник на Балканската олимпијада по информатика
Својот интерес во областа на паметната технологија го развива одамна како хоби кое што прераснува во нешто повеќе, па резултатот на тоа е и развојот на овој портал. Сака да ги следи сите новини поврзани со оперативните системи, апликациите, мобилните телефони, но и интересните научни и вселенски истражувања.

Оставете коментар

This site uses Akismet to reduce spam. Learn how your comment data is processed.