Корисниците на најновите смартфони од Samsung во САД на местото од Samsung Messages ја имаат пред-инсталирано алтернативата од Google, односно Google Messages.
Промената во политиката е потврдена и од страна на Samsung преку информација во Samsung Members апликацијата каде се истакнува дека почнувајќи со Galaxy Flip6, Fold6, како и понови модели понатаму, Samsung Messages веќе нема да дојде инсталирана на уредите.
Апликацијата ќе продолжи да им биде достапна на корисниците преку Galaxy Store, но сега Samsung ќе функционира со апликацијата на Google.
Дали оваа промена може да се очекува и во остатокот од светот засега не е познато, а изгледа дека промената можно е да е само за корисниците од САД.
Како главна причина за оваа промена се верува дека е RCS поддршката, која иако ја има и кај Samsung Messages, сепак Google ја развива сопствената апликација со многу поголем акцент кон RCS функциите во споредба со Samsung.
Овој вид на апликации се многу поважни во САД, каде постои и „ситуацијата“ на сини и зелени „чет меурчиња“ кај Apple Messages апликацијата. Во остатокот од светот корисниците во главно комуницираат преку апликациите како WhatsApp, Viber, Messenger и слични.
