Веќе нема потреба да пишуваме за причините за воведувањето на темна тема кај апликациите, како и оперативните системи. Тие се популарни, пријатни за очите во ноќните часови, а ја штедат и батеријата на OLED екраните.
OneNote, познатата апликација за прибелешки од Microsoft ќе се приклучи на другите кои имаат темна тема, дознава италијанскиот портал Aggiornamenti Lumia.
Оваа информација исто така ја потврдуваат од Microsoft, но нагласуваат дека развојот на темната тема е во почетна фаза, а корисниците може да очекуваат и нов начин на навигација низ апликацијата, односно подобрување на нејзината функционалност.
Dang that's fast sleuthing! It's not even fully available in internal dogfood.
— Laura Butler, ???♀️??♀️ of ? (@LauraCatPJs) February 6, 2019
The screenshot doesn't even have the new majorly improved naviga… oops almost spilled the beans.? https://t.co/KbOUGrQK5h
Според информациите, кога корисникот ќе ја избере темната тема на една од платформите, истата ќе биде вклучена автоматски и на другите платформи, како што е сега случајот со Microsoft To-Do апликацијата.
Кога точно може да се очекува оваа нова тема и начин на функционирање на OneNote не е истакнато, меѓутоа кога ќе се земе во предвид дека изработката е во почетна фаза, изгледа дека најрано што може да се очекува е оваа есен.
