Пред точно 20 години, односно на 24-ти август 1995 година, Microsoft ја претстави верзијата од Windows која што може слободно да се каже дека е основа на сите останати верзии од тогаш, па навака.
Windows 95 беше за првпат направен со корисничкиот интерфејс кој што и до ден денес се користи, се разбира во подобрена форма. Windows 3.1 иако имаше графички кориснички интерфејс, не може да се спореди со тој кој што денес се користи, а за првпат беше претставен со 95-ката.
Една од работите која што беше за првпат претставена во Windows 95 е и познатото Старт мени кое што до денес е нешто што корисниците активно го користат. Старт менито дури беше една од главните причини за слабата популарност на Windows 8, поради неговата замена со Старт екранот.
Со Windows 95 за првпат исто така беа претставени toolbars, како и копчињата за намалување, зголемување и гасење на прозорите.
Од претставувањето до денес може да се каже дека Microsoft е веќе различна компанија. Тогаш главниот производ, Windows, беше во својот подем, додека денес од компанијата се обидуваат да ја спасат неговата судбина, посебно на мобилните уреди.
Во продолжение можете да погледнете интересна gif анимација за развојот на Windows од неговата прва верзија, па се до Windows 10.
