По успешното слетување на најновиот ровер од NASA, Perseverance, на Марс, го имавме и видеото од самото слетување, како и неколку слики од околината на Џезеро кратерот кој беше избран како местото каде ќе се извршува мисијата.
Иако Perseverance уште нема почнато да се движи, односно неговите системи уште се тестираат, тој испраќа слики од неговата околина во висока резолуција.
Кинематографот Шон Доран со дел од овие слики, кои се јавно достапни, направи одлично видео кое го нарече „This is MARS“. Сликите се изменети, односно зголемена им е резолуцијата, тргнат е шумот и слични други промени со цел да се направи видеото во 4К.
Видеото е одлично направено, па заедно со музиката во позадина, дава досега невиден поглед на планетата, барем не со вака добар квалитет и потсетува како да е од некој филм или документарец.
Погледнете го видеото во продолжение.
