NASA официјално започна со тестирање на Ingenuity малиот хеликоптер кој беше однесен на Марс заедно со Perseverance роверот. Пропелерите на хеликоптерот биле вклучени за „high speed test“, по што требало да започне и првиот лет во место.
Ова сепак не се случува и летот е одложен и би се случил не порано од 14-ти април.
Причината за одложувањето е појава на проблем од страна на системот кој е задолжен за безбедноста на хеликоптерот. Проблемот е забележан за време на промената од состојбата пред летање, во состојба на летање на хеликоптерот, односно оваа промена се нема случено и е одложена.
Од NASA го истакнуваат ова и додаваат дека системот успешно функционирал, па кога го открил проблемот, летот е откажан. По добивањето на сите информации од хеликоптерот, NASA ќе ја направи потребната анализа, по што ќе биде закажан новиот обид за лет.
