Фестивалот БЕАМ, единствената платформа во Македонија која ги наградува најдобрите настани и ги истакнува најуспешните проекти во индустријата за настани, ги објави финалистите за оваа година.
Годинава на БЕАМ пристигнаа и квалитетни и иновативни проекти и професионално реализирани настани кои ја одразуваат динамиката и растот на индустријата. Финалистите се распределени во 10 категории, опфаќајќи културни и музички настани, корпоративни проекти, бренд активации, спортски и хуманитарни настани, како и конференции, што сведочи за разновидноста и креативноста во оваа сфера.
Жири комисијата е составена од докажани и искусни професионалци од областа на културата, креативните индустрии, маркетингот, продукцијата и live комуникациите. Оваа година тие се соочуваат со навистина тежок избор, бидејќи конкуренцијата е силна, а пријавените настани поставуваат нови стандарди во индустријата. Оценувањето се врши според однапред утврдени и јавно објавени критериуми.
„Не радува што оваа година имаме одлични апликации кои покажуваат високо ниво на иновативност и професионализам. Ова е доказ дека БЕАМ е платформата што недостасуваше во нашата индустрија. Жирито има сериозна задача да ги избере најдобрите, а ние со нетрпение ја очекуваме гала вечерта кога ќе ги прогласиме победниците,“ – изјави Маја Бабиќ, директор на БЕАМ.
Гала церемонијата и официјалното прогласување на победниците ќе се одржи на 4 март, на која ќе присуствуваат финалистите, клиентите, медиуми и истакнати личности од индустријата и јавниот живот. Оваа вечер ќе биде посветена на креативноста, иновативноста и високите стандарди во организацијата на настани.
Фестивалот БЕАМ започна во 2023 година како единствена платформа за валоризација на креативноста и извонредноста во индустријата за настани во Македонија. Со секое ново издание, БЕАМ поставува нови стандарди и ја истакнува важноста на настаните како клучен дел од современата комуникација, маркетинг стратегии и културниот развој. Фестивалот е место каде што креативноста, иновацијата и професионализмот добиваат заслужено признание.
ФИНАЛИСТИ
НАЈДОБАР КУЛТУРЕН НАСТАН
- Bookstar Festival – Антолог – Боокс Дооел
- Џез под ламба – Општина Центар
- Замисли нов свет – Македонски Телеком АД Скопје
- Светско првенство во Хип Хоп 2024 – Пипл Медиа Дооел Скопје
- Мултимедијален настан „Синтеза„ – Маркетинг агенција Ефектива Скопје
НАЈДОБАР МУЗИЧКИ НАСТАН
- 100 години Скопско – Публицис Груп
НАЈДОБАР ФЕСТИВАЛ
- Gin Lane Festival – Боттега Евенти доо Скопје
- Меѓународен фестивал за литература и илустрација за деца „Литера“ – Маркетинг агенција Ефектива Скопје
НАЈДОБАР КОРПОРАТИВЕН НАСТАН
- 5 години А1 Македонија – Меккен Дооел Скопје
- Замисли нов свет – Македонски Телеком АД Скопје
- Сцената е твоја – Годишен настан за стратегија 2024 – Македонски Телеком АД Скопје
- Еден Ритам, Еден Тим! – Шпаркасе Банка АД Скопје
- Халкбанк: Трајни културни вредности – Маркетинг агенција Ефектива Скопје
НАЈДОБРА КОНФЕРЕНЦИЈА
- Прва Меѓународна коучинг конференција – Ад Вербум Доо Скопје
- IFATCA European Regional Meeting SKOPJE 2024 – Здружение на контролори на летање
- Конференција Наука за деца – Фондација Кантарот Скопје
- Халкбанк: Чувари на мудроста – Маркетинг агенција Ефектива Скопје
НАЈДОБАР НАСТАН ЗА БРЕНД АКТИВАЦИЈА
- 100 години Скопско – Публицис Груп
- Од древни монети до финтек апликација – Финансиско Друштво Минт СН Доо Битола
- Финале за сите навивачи – Публицис Груп
- 10 години Iqos – Активација – Публицис Груп
НАЈДОБАР ЕКСПО (САЕМ) НАСТАН
- Skopje Whiskey Fest 2024 – Боттега Евенти доо Скопје
НАЈДОБАР ХУМАНИРАТЕН НАСТАН
- Повторно заедно – Аутизам ААМК
- Хуманитарна аукција на уметнички дела – Шпаркасе Банка АД Скопје
- ABILITY AWARDS – Абилитис Нет Дооел
- Новогодишна магија – ВОРТЕКС ЕД ДОО Скопје
НАЈДОБАР НАСТАН НА ДРЖАВНА ИНСТИТУЦИЈА
- Меѓународна регулаторна конференција – ИДЕА Плус 360° Комуникации Дооел Скопје
НАЈДОБАР СПОРТСКИ НАСТАН
- Трчај Бе – Трчај Бе
- Авицена Женска Трка – Сојуз на спортови на Скопје
- Финале за сите навивачи – Публицис Груп
- Halkeco Скопје Трча 10к – Сојуз на спортови на Скопје
- Светско првенство во Хип Хоп 2024 – Пипл Медиа Дооел Скопје
- Виз Ер Скопски Маратон – Сојуз на спортови на Скопје
