Машкиот и женскиот тим на македонската карате-репрезентација се пласираа во финале во дисциплината борби на Светските универзитетски игри што се одржуваат во Самсун, Турција. На ова глобално натпреварување, кое што од годинава е именувано како „Светски куп на боречки спортови“, пријавени се 1.100 учесници од 300 универзитети од 50 држави. Македонската универзитетска карате репрезентација е предводена од селекторот Бошко Заборски, кој исто така е и тренер на скопски „Макпетрол“.

Машкиот тим, составен од Давид Петков, Петар Спасеновски, Петар Заборски, Глигор Петков и Димитар Илиевски во полуфиналната борба ја победи екипата на Турција со резултат 3-2. Во финалето тие утре за злато ќе се борат со тимот на Јордан. Нашиот карате тим на Европската универзијада во Лоѓ, Полска, во јули годинава во истата категорија беше првопласиран.

Женскиот карате тим во полуфиналната борба беше поуспешен од екипата на Турција со резултат од 1-0. Во финалето тие ќе се сретнат со Хрватска. За тимот настапуваат Ангела Мојсовска, Викторија Јовановска, Марија Петровска и Моника Пендаровска.

Во поединечните категории, следниве македонски спортисти утре ќе се борат за бронзен медал: Давид Петков (-67 кг.), Ангела Мојсовска (-68кг.), Викторија Јовановска (-61 кг.) и Марија Петровска (-55 кг.)

Претходна статијаТест верзијата од новиот Outlook за Windows сега поддржува и приватни Microsoft сметки
Следна статијаWomen in tech Македонија најавува втора конференција за UI/UX отворена за сите
0 0 votes
Article Rating
Subscribe
Notify of
guest

This site uses Akismet to reduce spam. Learn how your comment data is processed.

0 Comments
Inline Feedbacks
View all comments