Windows 10 изгледа одлично, барем на мене, а посебно во споредба со постарите верзии. Сепак, тоа одлично е за одредени работи, па имам и доста критики, а посебно кога е во прашање имплементацијата на Fluent дизајнот којшто изгледа одлично, но не е воведен на сите делови од системот.
Видеото на почетокот од статијата е концепт за тоа како би изгледал Windows доколку остане во својата XP верзија, но да добие одредени промени кои се во текот со времето.
Дел од прикажаните работи во видеото се подобри и од тоа како изгледа денес Windows 10, па е навистина интересно кога ќе се размисли колку некако половично внимание му дава Microsoft на овој дел од развојот на системот.
