Во објава во која говорат за DDoS нападите и нивната иднина во време кога брзината на интернет пристапот значително се зголемување, со оптичките врски и 5G мрежата која тек ќе биде пуштена масовно, Google го откри и досега најголемиот напад на нивните мрежи. Овој напад изгледа е и најголемиот било кога регистриран на некоја мрежа.
Нападот се има случено во 2017 година, а според информациите од Google тој се одвивал со пренос на податоци со брзина од дури 2,54 терабајти во секунда. Нападнати биле серверите од Google, односно мејл серверите и останатите кои од компанијата ги користат за своите корисници, деловни, приватни и хостинг корисници.
Од Google истакнуваат дека нападот бил спонзориран од држава, конкретно од Кина. DDoS сообраќајот доаѓал од четири интернет оператори во Кина, а се истакнува дека напад од ваков обем може да се изведе во главно само со државна помош и организација.
Причината поради која од Google се решаваат да го објават ова е поради нивниот план за зголемување на свесноста за DDoS нападите кои според нив во иднина само ќе бидат поголеми, а како главна причина се истакнува и многу поголемата брзина на интернет пристапот во светот.
