Скопје, 27 јуни– Samsung Electronics Co., Ltd. на овогодинешното издание на HITEC 2025 ја претстави новата ТВ серија HU8000F ЗА 2025 наменета за хотели. Достапна во шест димензии (43″, 50″, 55″, 65″, 75″ и 85″), HU8000F им овозможува на хотелските менаџери моќни алатки за управување и им нуди на гостите лесен пристап до стриминг содржини и поврзување преку Google Cast. Официјалното претставување на HU8000F се одржа на HITEC 2025 – најголемиот и најдолгогодишен светски настан за хотелска технологија, кој се одржи од 16 до 19 јуни во Индијанаполис.
„HU8000F серијата претставува нов стандард за искуството во хотелските соби – со 4K слика, напредни можности за стриминг и лесна администрација,“ изјави Хун Чанг, извршен потпретседател на Одделот за визуелни дисплеи во Samsung Electronics. „Со поддршка за Google Cast, елегантен AirSlim дизајн и интеграција со облачни услуги, ја редефинираме забавата во хотелите ширум светот.“
Премиум слика, тенок дизајн и едноставно поврзување
Моделот HU8000F работи со Crystal Processor 4K на Samsung, а поддржува HDR10+ и Dynamic Crystal Color, прикажувајќи повеќе од милијарда нијанси со извонредна јасност и длабочина. Благодарение на AirSlim дизајнот, телевизорот е речиси без рамка и совршено се вклопува во секој хотелски ентериер.
Гостите имаат пристап до богат избор на содржини преку Tizen OS – вклучувајќи Netflix, Samsung TV Plus и ново додадениот Prime Video. За дополнително доживување, HU8000F е опремен и со адаптивен звук, кој во реално време ја анализира и оптимизира аудио-сцената според типот на содржина.
Хотелски функции и интегрирани решенија
За хотелските менаџери, Samsung LYNK Cloud овозможува централизирано управување и деловни увиди, додека SmartThings Pro и мулти-кодниот далечински управувач овозможуваат персонализирано искуство за гостите и без пречки во управувањето со ТВ уредите.
Со вградена Google Cast поддршка, гостите можат да стримуваат содржини од над 5.000 Cast апликации директно од своите Android или iOS уреди – без потреба од дополнителни уреди, HDMI приклучоци или логирање. Ова не само што е полесно за корисниците, туку и заштедува трошоци за хотелите и ги намалува безбедносните ризици поврзани со надворешни уреди.
За хотелите кои веќе го користат моделот HBU8000, наскоро ќе биде достапен софтверски апдејт што овозможува активација на Google Cast без прекин на сервисот. Оваа надградба е успешно спроведена во хотели во Индонезија – меѓу кои The Apurva Kempinski Bali и Swissôtel Living Jakarta Mega Kuningan – со што се демонстрира стабилноста и скалабилноста на решението.
Серијата HU8000F е опремена со практични карактеристики за хотелска употреба, како што се RJ12 приклучок, поддршка за звучници во бања и LAN излез. ТВ уредите се базирани на безбедната платформа Tizen, со Samsung Knox за заштита на податоците и повеќе HDMI и USB порти за флексибилно поврзување.
Повеќе информации за хотелските решенија на Samsung можете да најдете на: www.samsung.com/mk/.
