Уште еден уред кој беше очекуван и претставен на вчерашниот Made by Google настан е Pixel Watch 4 часовникот. Овој часовник го задржува карактеристичниот Pixel дизајн, но донесува мала промена кај екранот кој е доста уникатна.
Google го нарекува екранот Actua 360 екран во форма на купола, форма која му овозможува 10% поголем простор за прикажување на сликата, како и 16% намалување на рамките околу него.
Дополнително, екранот донесува 50% подобрување на светлината со 3000 нити јачина на светлото, што е одлично за гледање надвор.
Google го донесува одличниот Material 3 Expressive дизајнот и кај часовниците, па Pixel Watch 4 ќе биде првиот кој ќе дојде со можеби досега најдобриот дизајн од компанијата.
Од компанијата посебно го истакнуваат и траењето на батеријата кај часовникот, како и подобриот чип кој ќе овозможи побрза работа, како и подобро мерење на здравствените и фитнес активности.
Кога сме кај здравствените мерења, како и фитнес активностите, Pixel Watch 4 донесува подобро следење на спиењето, подобрено мерење на температурата на кожата, подобрено следење на движењето, нови мерења за вежбање и повеќе.
Нормално, Gemini доаѓа целосно кај часовниците од Google, па корисниците ќе можат да поставуваат прашања, да извршуваат активности, а вештачката интелигенција е тука и за помош при спортските активности.
Pixel Watch 4 доаѓа во две големини, 41 и 45 милиметри, прилично стандардно, а екранот доаѓа со одлична стапка на освежување до 1 до 60 херци, нешто што помага за издржливоста на батеријата.
