Познатиот Лајнус Себастиан, преку неговиот YouTube канал Linus Tech Tips, објави видео во кое тие го тестираат „openpilot“, решение за претворање на автомобилите во автономни со отворен код.
Openpilot е развиен од страна на comma.ai, а интересно, поради тоа што е со отворен код, достапни се и други изменети верзии со различни функционалности.
Поддршката за автомобили е секако ограничена, а можат да се „трансформираат“ одредени модели од Toyota, Hyundai и Honda. Се што е потребно е да се приклучи со автомобилот малиот уред кој чини 1000 долари, кој во основа е како постар смартфон, по што софтверот го надградува автомобилот со понапредни можности за контрола при возењето.
Openpilot овозможува функции како Adaptive Cruise Control, Automated Lane Centering, Driver Monitoring, Forward Collison Warning, Lane Departure Warning, Assisted Lane Chage и слично.
Во видеото во продолжение, Лајнус покажува колку е лесно да се приклучи уредот, па потоа го тестира во возење.
