Американската компанија Gogo, веќе нуди интернет пристап за патниците во авионите во ограничена бројка на авиокомпании. Патниците можат да изберат од неколку пакети за еднократен или месечен пристап. Брзините кои што моментално се достапни од оваа компанија се движат до максимални 9,8 Mbps, што може многу лесно да стане проблем доколку се поврзат поголемиот дел од патниците.
Од Gogo најавуваат интернет пристап со користење на сателити, со што максималната брзина на интернет пристапот достапен во авионот ќе биде до 70 Mbps. Со ваква брзина поголем број на корисници би можеле да ја користат интернет конекцијата без проблем и намалување на брзината за другите патници. Исто така патниците ќе може да почнат да користат и сервиси за стриминг на видео, како YouTube, Netflix и слични.
Технологијата ќе почне да се тестира, а истата се очекува да биде достапна за комерцијалните летови од идната година.
Во продолжение можете да погледнете две видеа на кои што е објаснета технологијата која што оваа компанија ја користи за овозможување на интернет во авионите, како и новата технологија која што ќе овозможи многу поголеми брзини.
Извор: The Verge