Од патент поднесен од страна на Apple може да се види дека од компанијата размислуваат за воведување на функција во Siri персоналниот асистент, преку која што корисниците ќе можат да ги означуваат (tag) сликите користејќи гласовни команди, а потоа исто така преку гласовни команди да ги пребаруваат големиот број на слики на уредот.
Се квалитетот на камерите на мобилните телефони, сликањето на слики кога сме на одмор или некоја интересна локација, настан и слично, стана нормална работа истото да се прави преку тие камери, наместо преку некои од дигиталните апарати. Поради тоа, а и доволно големата надворешна меморија на телефоните, бројот на слики кој што еден просечен корисник ги има на својот телефон е огромен и продолжува да расте, па пребарувањето на тие слики станува не толку едноставна работа. Еден начин за олеснување на пребарувањето е користењето на ознаки, на пример за локацијата, времето кога се сликани и слично.
Од Apple со воведувањето на оваа технологија, означувањето на сликите ќе биде уште поедноставно и поприродно, односно после сликањето на некоја слика, се што ќе треба да направите е да му кажете на Siri нешто во врска со истата. На пример, можете да кажете „Тоа сум јас на плажа“, па Siri истата слика ќе ја означи соодветно. Потоа кога ќе сакате да ја погледнете таа слика, како и слични, се што треба да направите е да му кажете на Siri да ви покаже слики каде што сте на плажа, па истите ќе ви бидат прикажани.
Оваа технологија исто така ќе може и автоматски да ги означува сликите, откако еднаш ќе ги означите локациите, лицата и слично, па врз основа на тие информации ќе ги означи и постарите слики.
Извор: Engadget
