YouTube им овозможи на корисниците кои не плаќаат претплата да добијат пристап до една од функциите кои ги имаат Premium претплатниците. Се работи за можноста видеата да бидат симнати на уредот, корисно за ситуации кога се планира патување, на пример, па одреден период пристапот до интернет е ограничен или недостапен.
Сепак, кога подобро ќе се размисли, ова повеќе личи на реклама за YouTube Premium отколку некаква корист за корисниците, поради фактот што за бесплатните корисници симнувањето е ограничено на квалитет до 360p.
Ова секако не е толку важно доколку се симне видео во кое поважен е звукот, како на пример подкаст, а може да не е проблем и доколку се гледа во исправена форма, односно со помал формат.
Како реклама за премиум ја истакнувам оваа новина поради фактот што под делот за симнување на видеото во ограничен квалитет, достапни се повисоките резолуции и истите се означени со Premium ознаката.
Корисниците на овој начин се потсетени за предностите кои ги има Premium претплатата, па може дел од нив и ќе се решат да почнат да ја плаќаат.
Информацијата доаѓа од објава на Reddit која можете да ја погледнете во продолжение.
New feature allowing users to download videos without premium (At not the best quality)
byu/Dude_Who_Does_Things inyoutube
