Претседателот Доналд Трамп повторно ја одложи примената на законот според кој TikTok веќе не би можел да функционира во САД, поради фактот што ByteDance ја нема продадено апликацијата на американски партнер.
Трамп, кој во својот прв претседателски мандат планираше блокирање на апликацијата, сега од некои причини цело време ја „спасува“. Според некои тоа го прави поради ефектот во претседателската кампања која ја имала оваа апликација, а можно е и тука да влијаат можните реакции на огромен број на креатори кои ќе ја изгубат заработката која ја имаат преку оваа популарна апликација.
Како и да е, не сум ни сигурен дека Трамп има законска можност за овие одложувања, но сепак ги прави, па забраната за TikTok по трет пат е одложена, па од компанијата имаат до 17 септември да најдат решение.
Дали воопшто се работи на некакво решение, односно дали од ByteDance размислуваат за продажба на американскиот дел од апликацијата барем, не е целосно познато и сигурно, па ќе мора да почекаме да видиме што ќе се случува.
