Според информации од јапонски портал (преку GSMArena), Sony изгледа планираат да го прекинат производството на смартфони. Истите ќе продолжат да ги развиваат и продаваат, но производството ќе биде префрлено кај трети страни, односно други производители.
Ова е стандардна практика на пазарот, а Apple се најпознати по користењето на трети страни. Доколку и Sony се приклучат на оваа практика, изгледа Samsung ќе останат единствените кај кои скоро целиот процес поврзан со смартфоните е дел од компанијата.
Sony веќе го има префрлено производството за своите телефони од средната класа, па оваа промена се најавува за тие од највисоката.
Може да се каже дека е штета што Sony не се посериозна конкуренција на пазарот, а посебно што тие сѐ уште претставуваат доста интересни, нестандардни и доста добри уреди.
Очекувано од ваква компанија, нивните телефони од највисоката класа доаѓаат со посебно внимание кај камерите, како и кај екраните и искуството при гледање на видео содржина.
Сепак, за повеќето корисници, кога се размислува за купување на нов телефон, во главно размислувањето оди во правец на Samsung или Apple, а тука се и неколку кинески конкуренти.
