На Pickbox NOW овој месец доаѓаат дури 18 нови филмови, а ние ви ги препорачуваме овие четири романтични комедии за да се загреете за месецот на љубовта. Забавни, топли, љубовни, духовити и весели, овие филмови ќе го загреат секое срце.
Ви ги претставуваме четирите романтични комедии кои топло ви ги препорачуваме.
Тест за привлечност (The Attraction Test, 2022)
Сентименталната и интересна приказна се врти околу фалената универзитетска професорка Брук (Тара Вилсон). Брук се подготвува да ја открие својата значајна студија која ја поттикнува љубовта помеѓу туѓинци. Но, објавувањето на нејзината студија е загрозено поради критиката дека самата не пристапила кон сопствениот тест. Иако ветила дека никогаш повеќе нема да се вљуби, прифаќа да се тестира со својот најголем критичар.
Љубовта е во тренд (Where Your Heart Belongs, 2022)
Оваа забавна романтична комедија се врти околу експертката за маркетинг Мек Саливен (Џен Лајли) чија работа е загрозена бидејќи многу од нејзините клиенти заминале кај Џасмин, инфлуенсерка на социјалните мрежи која е поевтина и верува дека е исто толку ефикасна во маркетингот. И покрај проблемите на работа, Мек оди на свадбата на својата најдобра пријателка во својот роден град, во кој не била од погребот на мајка ѝ пред неколку години. Нејзиното бившо момче Дилан сега работи на фармата на татко ѝ, а меѓу нив и понатаму постојат искри…
Уметноста на љубовта (The Art of Us, 2017)
Др. Харпер Хигинс (Тејлор Кол) е вонредна професорка по историја на уметност на Кембриџ. За да спои крај со крај, исто така предава на курс по сликање за возрасни. Иако никогаш не се стремела кон академски живот, таа, како назначен кустос, мора да ја организира следната изложба. Кога еден уметник ќе се откаже, Харпер се обидува да најде замена и се надева дека тоа ќе биде човекот на кого буквално налетала и кој ќе стане нејзин шетач на кучињата, Том, на чие уметничко дело навистина му се восхитува. Том почнал со сликање заради терапија, и слика само за себе. Но, делумно затоа што го привлекува Харпер, а главно поради плаќање на сметките, прифаќа да го изложи своето уметничко дело. Како што се доближува изложбата, Харпер и Том почнуваат да се вљубуваат, а она што е прикажано од уметничките дела на Том го привлекува вниманието на некои влијателни луѓе од светот на уметноста.
Љубов и мода (Love, Fashion, Repeat, 2022)
Возбудлива романтична комедија која во фокусот на приказната носи неочекувана романса. Дизајнерката Лиза (Кристина Росато) се враќа во својот роден град за да побара инспирација за својата нова модна линија. Но кога ќе го запознае Колин, писател кој има задача да ја поправи нејзината биографија, љубовта ѝ е последното нешто за коешто размислува. Но дали ќе најде време за неочекувана романса?
Сите овие романтични комедии, како и сите 18 филмови гледајте ги цел месец на Pickbox NOW.
