Microsoft вети дека константно ќе го подобрува Windows 10 и тоа и го прави. Први кои можат да ги искусат сите подобрувања се “Insider” корисниците, кои добиваат таканаречени бета билдови пред официјалните, финални верзии. Еве го и новиот инсајдерски билд, кој треба наскоро да пристигне кај корисниците.
Новиот Build 10558 носи неколку подобрувања, кои го трасираат патот на новата Messaging апликација. Оваа вградена апликација ќе треба да целосно да ја замени мобилната, односно модерната Skype апликација. Во овој “Build” Messaging е подобрена и има неколку нови функции, а заедно со нејзе доаѓа и Skype Video апликацијата, која е тука за сите видео повици кои не можат да се воспостават со Messaging.
Покрај овие нови апликации, има уште една поголема промена која вреди да се спомне, а тоа е можноста за инсталирање на модерни апликации на други дискови во уредот. Ова е особено корисно за уредите со помал простор, на кои сега ќе може да се инсталираат апликации и на SD картичка, но и за сите компјутери на кои има повеќе партиции.
Покрај овие промени, воведени се уште неколку новитети, кои вклучуваат:
• Можност за пронаоѓање на уредот преку GPS
• Можност за преглед на веб страните само со поминување на поинтерот на табовите во Edge прелистувачот
• Нова икона за Regedit
• Spotlight за Enterprise корисниците
• Темна тема во Messaging апликацијата
• Нови икони во Control Panel
Сите овие промени веројатно ќе бидат вклучени во официјалната Treshold 2 надградба, која треба да дојде во Ноември годинава.
Извор: Windows Central
