Windows Phone 8.1 ќе биде официјално прикажан на Microsoft Build 2014 конференцијата во среда на 2-ри Март. Повеќето новости кои што ќе ги има новата верзија од овој оперативен систем беа прикажани преку слики, протечени информации и видеа, па прашање е дали останува нешто што не е видено да биде покажано. Би било големо разочарување доколку голем дел од протечените информации се покажат како неточни, меѓутоа шансите за тоа се мали.
Денеска повторно е достапно видео на кое што е прикажана новата верзија од Windows Phone заедно со неколку од најавените функции. Мобилниот телефон на кое што е прикажан оперативниот систем се верува дека е Nokia Lumia 630, односно посебна верзија за програмерите. Од видеото кое што можете да го погледнете на крајот од текстот може да се видат следните работи:
- Action Center – новата долго очекувана функција на оперативниот систем преку која што ќе се прикажуваат нотификациите, како и вклучуваат и исклучуваат одредени работи како Wi-Fi конекцијата
- Новата апликација за подкасти (podcast)
- FM радио како посебна апликација, а не дел од апликацијата за музика
- Апликацијата за музика и видео поделена во две посебни апликации
- Новата продавницата за апликации
- Промените во новата верзија од Internet Explorer, односно делот за нови табови, приватни табови, како и прикажувањето на посебните табови посебно во приказот за мултитаскинг
- Можноста за повлекување надолу за гаснење на апликациите преку приказот за мултитаскинг
- Нова апликација за слики
- Нова апликација за камера
- Новите апликации: Storage Sense, Battery Sense и Data Sense
Извор: WPCentral
