Една од најкористените платформи за Linux, Ubuntu добива нова надградба после стандардното 6 месеци чекање. Целта на оваа надградба е да се подобри корисничкото искуство без да се расипе тоа што веќе функционира добро. Поправки на грешки и неколку нови ажурирања се дел од скромната нова едиција која е наречена Vervet.
Systemd
Systemd е софтверот задолжен за вклучувањето и подигањето на оперативниот систем, односно на модулите и заднинските процеси кои овозможуваат системот да функционира. Иако нема големи разлики од претходното решение, Upstart, некои корисници ќе забележат забрзување во времето на подигањето на оперативниот систем.
Unity 7.3
Воглавно кај Unity поголемиот дел од промените се всушност ситни поправки и некои мали функционалности се додадени. Пример е можноста за подесување на менијата на апликациите во Always Show режим.
Compiz 0.9.12
Делот што овозможува да функционира Unity е Compiz и во оваа едиција добива подобрувања во компатибилноста со други десктоп околини.
Ubuntu Linux Kernel 3.19
Сепак не е вграден новиот 4.0 кернел во оваа едиција на Ubuntu, но затоа 3.19.3 е модифицирана верзија од претходниот кернел која ќе добие дополнителни надградби нешто после објавувањето на Ubuntu 15.04.
Надградби и ажурирања на апликации
Очекувано е стандардните апликации да добијат надградби и ажурирања со новата едиција на Ubuntu. Апликациите кои се надградени и ажурирани се:
- LibreOffice 4.4
- Firefox 37
- Thunderbird 31.6
- Shotwell 0.20.2
- Nautilus 3.14.2
- Evince 3.14.2
- Rhythmbox 3.1
- Totem 3.14.1
- GNOME Terminal 3.14
Дополнително, заменета е стандардната десктоп позадина.
Ubuntu 15.04 можете да го спуштите преку вашиот прелистувач на овој линк, додека можете истото да го направите и преку торент со тоа што 32 битната верзија и 64 битната верзија се поставени посебно и линковите се соодветно обележани.
За тие што сакаат да го надградат веќе инсталираниот Ubuntu 14.10 во верзијата 15.04, ќе можете да го направите тоа наскоро, максималното време кое би било потребно за чекање е околу 48 часа.
Извор: Omgubuntu
