Ubuntu оперативниот систем има нова верзија на секој 6 месеци. Корисниците кои што сакаат можат да направат надградба на секоја од овие верзии. Меѓутоа брзиот циклус на надградби не е погоден за секој тип на корисник. Тоа посебно важи за не толку искусните корисници, а посебно владините институции или приватните компании. Поради тоа од Canonical ја избираат секоја четврта верзија од Ubuntu и за неа нудат долгорочна поддршка, која подразбира сигурносни надградби подолго време од останатите верзии. Долгорочната поддршка, односно LTS (Long term support) важи 5 години од излегувањето на стабилната верзија на Ubuntu за која што следува овој тип на поддршка. Петте години на поддршка важат за десктоп и сервер верзијата, каде што десктоп верзијата е израмнета со сервер верзијата и истата порано добиваше 3 години на поддршка.
Исто така од Canonical направија промена на времето на поддршка што го добиваат верзиите кои што не се дел од LTS поддршката, па сега тоа време изнесува 9 месеци. Тоа значи дека Ubuntu 13.04 кој беше направен достапен пред скоро 9 месеци, ќе престане да добиве поддршка, односно надградби заклучно со 27 Јануари 2014, односно му остануваат уште 2 недели на „живот“’.
Сите корисници им е препорачано да го надградат својот систем на наредната 13.10 верзија, чија што поддршка завршува во Јули 2014. Наредната верзија на Ubuntu, 14.04, е наредната верзија за која што следува новата 5 годишна поддршка, а истата ќе биде достапна од Април 2014.
Официјалното известување можете да го прочитате на следниот линк.
