Microsoft го отвори кодот на една од поважните Windows 11 функции достапни за програмерите. Подобра кажано, ова е една од поважните функции кои ги има пуштено Microsoft во остварувањето на целта повеќе програмери да го користат нивниот систем.
Се работи за Windows Subsystem for Linux, односно кратко WSL, функција која овозможува користење на Linux апликации директно во Windows, а тоа најчесто се користи за „терминал“ апликациите.
WSL во основа е виртуелна машина која овозможува инсталација на Linux дистрибуција, која во поновите верзии овозможува и целосно користење на графичкиот интерфејс од инсталираниот систем.
Со издвојувањето на WSL од кодот на Windows, добиена е можноста за отворање на кодот.
Програмерите со оваа промена ќе можат директно да придонесуваат кон развојот на кодот на функцијата, а тоа може да доведе до повеќе нови функции, исправка на грешки и слично.
