iOS 17 треба да биде официјално пуштен за корисниците овој месец, по претставувањето на iPhone 15 серијата идниот вторник на 12 септември. Покрај новини поврзани со апликациите од Apple и слични, системот добива и повеќе мали новини за кои ретко се говори на презентациите.
Една таква е можноста да се ресетира кодот кој се користи за отклучување на екранот доколку корисникот го има заборавено. Можноста да се ресетира кодот е овозможена преку внесување на стариот код, а ова ќе може да се направи во рок од 72 часа.
Ова е одлично за ситуациите кога кодот е променет од страна на корисникот, па уште не е навикнат да го користи, што лесно може да доведе до негово заборавање.
Доколку корисникот не сака стариот код да биде достапен за користење три дена од промената, истиот може да го исклучи, односно да избере да биде истечен веднаш.
Дел од новините кои се дел од iOS 17 ќе можеме да ги видиме и на презентацијата на iPhone 15 идната недела.
