Instagram Stories добија функција која веќе одамна е достапна и стандардна кај обичните објави на мрежата, како и на Facebook. Се работи за можност за преведување на текстот во Stories, а на корисниците истото ќе им биде понудено доколку текстот е напишан во друг јазик од тој на кој му е наместена мрежата на корисникот.
Преведувањето ќе биде овозможено од 90 јазици, а исто како кај обичните објави, корисникот се што ќе треба е да притисне на копчето за превод кое ќе биде достапно по потреба, по што ќе му биде прикажан преведениот текст.
Од Instagram истакнуваат дека преводот е достапен само за текстот во Stories, но не и за звукот, односно кога има некое видео кое е на јазик кој корисникот не го разбира, тоа нема да може да биде преведено.
Оваа нова можност им е достапна на сите корисници во светот и веќе е почнато со нејзиното пуштање.