Google семејството стана поголемо за еден член според нивнатa најнова објава за присвојување на старт-ап компанијата Stackdriver. Ова е компанија чија главна дејност е помагање на бизнисите кои ги користат сервисите за online computing на Amazon и Rackspace Hosting, па овој чекор води кон зголемување на конкуренцијата за cloud потрошувачите.
Google кој бавно чекори зад Amazon во поглед на веб сервисите за зачувување на податоци и доставување на online софтвер, се стреми да привлече корисници со нудење на алатки кои ќе им помогнат на компаниите да ги намалат трошоците.
Заеднички тимови ќе работат на интегрирање на функционалностите кои ги нуди Stackdriver на начин што корисниците на cloud платформата на Google ќе можат да ги искористат способностите за мониторинг. Оваа промена ќе донесе поголема прегледност на грешките, перформансите, однесувањето и операциите, нагласи Tom Kershaw, менаџер за производство во Google. Тој додаде дека одделот за cloud платформи ќе инвестира во оваа област наредните месеци, но не ги соопшти деталите.
Stackdriver e основанa во 2012 година од поранешни соработници на VMware и претставува платформа за “Monitoring-as-a-Service”, која што обезбедува надгледување на cloud апликации и со тоа им овозможува на корисниците да ги следат перформансите и достапноста на своите cloud сервиси. Главната цел на компанијата е да им помогне на развивачите на софтер и IT операторите да управуваат со големи, дистрибуирани апликации кои се одвиваат во јавен cloud. Платформата се користи за визуелизирање на апликации, системи и инфраструктура, но исто така таа обезбедува систем на полиси за предупредување на корисниците кога одредени прагови ќе бидат достигнати.
Пред аквизицијата со Stackdriver, Google имаше ограничени способности за мониторинг. Додавањето на нови функции е обид на Google да го диференцира својот cloud сервис во конкурентниот пазар на cloud сервиси.
Веб сервисите на Amazon и Microsoft во април ги намалија цените за cloud сервисите откако Google пресече и започна битка за пониски цени во просторот на cloud складирање. Amazon веб сервисите остануваат лидер во овој простор, но сепак тие не нудат сервис за мониторинг кој е лесен за употреба.
