Google воведе нова функција во својата Search апликација за Android која овозможува вклучување на камерата преку гласовна команда. Истата вклучува две команди за вклучување на камерата, односно едната во режим за сликање слики и другата во режим за снимање на видео. За истите да ги користите потребно е да притиснете на иконата со микрофон во Search апликацијата или едноставно да кажете “Ok Google” за да ја активирате гласовната команда и потоа да кажете “take a photo” за сликање на слики или “take a video” за снимање на видео.
Оваа функција можеби ќе биде најкорисна за корисниците на најновата верзија на Android 4.4 KitKat, поради можноста за кажување на командата Ok Google без потреба од прво отворање на апликацијат. Другите корисници ќе треба прво да ја отворат Google Search апликацијата, па потоа да ја кажат командата за вклучување на камерата, што се поставува прашањето дали воопшто ќе им биде од корист оваа функција.
Извор: Google
