По повторно поднесување на кодот кон Chromium проектот од страна на Microsoft, Google Chrome ќе добие нова функција која ќе ја подобри безбедноста на корисниците на Windows.
Се работи за блокирање на вклучувањето на Chrome со зголемени привилегии, односно како администратор, а доколку тоа се случи, апликацијата ќе биде рестартирана и вклучена без тие привилегии.
Оваа практика, која се користи кај Edge одамна, треба да ги заштити корисниците од можно проблеми со малициозен софтвер, кој доколку прелистувачот е вклучен со администраторски привилегии, многу лесно може да добие пристап до целиот систем на корисникот.
За разлика од првиот пат, програмерите на Chrome сега го прифаќаат кодот, па може да се очекува во некоја од наредните надградби на прелистувачот.
