Warner Bros.Discovery, компанијата која стои зад брендот HBO, како и Max стриминг сервисот, најави дека овој сервис повторно ќе биде наречен HBO Max.
Ова име се користеше до пред две години, кога беше поедноставено и заменето со само Max. Претходно сервисот беше познат како HBO Go, но во тоа време го немаше модерниот стил кој го започна Netflix.
HBO Max ќе почне повторно да се користи од ова лето, а како што би се очекувало, се работи само за ребрендирање, а останатите карактеристики се очекува да останат исти, односно претплатите на корисниците и слично.
Не е точно позната причината зошто од компанијата го враќаат ова име, а објаснувањето кое го даваат е стандардно и општо.
Дејвид Заслав, претседател и извршен директор на Warner Bros. Discovery, изјави: „Импресивниот раст што го забележавме со нашата глобална стриминг услуга е резултат на квалитетот на нашата програма. Денес го враќаме HBO, брендот што претставува симбол на највисок квалитет во медиумите, со цел дополнително да го забрзаме тој раст во годините што следат.“
