Со најновата верзија на Dropbox 2.4 за Windows и OS X, можете да го зачувате секој Screenshot што ќе го направите автоматски во вашата Dropbox папка. Откако ќе ја инсталирате најновата верзија на Dropbox и првпат ќе притиснете на Print Screen копчето, ќе се појави прозорец каде што ќе бидете прашани дали сакате да ја користите оваа функција. Доколку притиснете дека сакате, вашите Screenshots ќе бидат автоматски зачувани на Dropbox, па секогаш кога ќе притиснете на Print Screen, сликата ќе биде зачувана во посебна папка во Dropbox. Исто така можете да притиснете Ctrl + Print Screen, па покрај автоматското зачувување на Screenshot-от, линк до сликата ќе биде копиран, па ќе можете да го споделите каде сакате. Секој кој ќе го добие овој линк, ќе може да ја види сликата од вашиот Screenshot.
Оваа функција можете да ја палите и гасите кога сакате преку менито за подесувања на Dropbox. Следете ги следните чекори за палење или гасење на оваа функција:
- Кликнете на Dropbox иконата
- Кликнете на иконата во десниот горен агол и потоа на Preferences
- Кликнете на Import табот
- Чекирајте или отчекирајте ја опцијата Share screenshots using Dropbox
Покрај оваа нова функција која е достапна за Windows и OS X, корисниците на OS X ќе можат да ги зачуваат сите слики од iPhoto папката во Dropbox. Сликите ќе бидат зачувани во посебна папка наречена Photos from iPhoto и истата ќе се наоѓа во највисокото ниво на Dropbox. Оваа функција е достапна за iPhoto 7.0 и нагоре. Зачувувањето на сликите во Dropbox е едноставно, па се што треба да направите е да ги следите следните чекори:
- Кликнете на Dropbox иконата на главниот панел
- Кликнете на Preferences
- Кликнете на Import табот од отворениот прозорец
- Кликнете на Import Photos from iPhoto
- Во новоотворениот прозорец кликнете на Import Photos to Dropbox.
