Nvidia сѐ уште има забрана за извор на најновите чипови во Кина, но нешто послабиот и постар H20 чип можеше слободно да се продава во земјата до оваа година. Трамп го забрани извозот и на овој чип, но после доволно аргументација и лобирање од страна на Nvidia, чипот повторно стана достапен за извоз во Кина.
После загуба на повеќе милијарди поради ваквата одлука, сега Nvidia повторно има проблем за враќање на кинескиот пазар.
Според информациите, кинеските власти им препорачуваат на компаниите да не ги користат овие чипови, а посебно ако се работи за владини и безбедносни компјутери.
Официјална забрана за купување на чипот нема, но наводно властите покажувале голем интерес за причините зошто се користат чипови од Nvidia, наместо од кинеските компании, како Huawei на пример.
Инаку H20 е графички чип кој се користи за вештачката интелигенција, односно за тренирање на јазичните модели, како и функционирање на „четботовите“. Nvidia е главниот производител во светот на вакви чипови, па јасен е интересот од страна на кинеските компании, а и важноста на тој пазар за Nvidia.
