На презентација која е достапна преку X, Елон Маск ја претстави наредната генерација од големиот јазичен модел, Grok 4. Ова како што е познато е конкуренцијата на моделите од OpenAI, Google и другите, од xAI, компанијата зад која стои Маск.
Во негов класичен стил, Маск го најави Grok 4 како најпаметниот јазичен модел на пазарот, а според него тој веќе го надминува нивото на студент со докторат во било која област.
За тренирање на Grok 4 е користена многу поголема компјутерска моќ, односно многу повеќе ресурси и посилни компјутери.
Grok 4 е мултимодален јазичен модел, што значи дека може да функционира со текст, слики и видеа, без потреба од користење на посебно развиени модели.
Подоцна во годината планирано е претставување на дополнителни модели под Grok 4 кои ќе бидат специјализирани за програмирање и генерирање на видеа.
Grok 4 треба да им конкурира на сѐ уште непретставените наредните генерации од јазичните модели од OpenAI, како GPT-5, односно Claude 4 Opus од Anthropic.
Целата презентација на Grok 4 можете да ја погледнете во продолжение.
