Microsoft ја претстави Update 1 надградбата за Windows Phone 8.1 минатата недела и најави дека ќе биде достапна за Preview for Developers корисниците од оваа недела. Доколку сте еден од овие корисници, нема да треба многу да чекате затоа што надградбата е веќе достапна од денес. За да ја инсталирате најновата надградба треба се’ уште да ја имате инсталирано апликацијата Preview for Developers и да ја имате чекирано Enable Preview for Developers опцијата. Потоа се што треба да направите е да проверите за достапни надградби за оперативниот систем преку Phone Update и истата ќе биде инсталирана.
Windows Phone 8.1 Update 1 иако не е голема надградба, донесува неколку интересни нови функции за кои што можевте да прочитате минатата недела. Чисто да ве потсетиме, оваа надградба ги вклучува следните новини:
- Cortana за корисниците од Британија и Кина во бета верзија, како и Канада, Индија и Австралија во алфа верзија
- Live Folders, односно можност за креирање на папки на home екранот
- Apps Corner
- Жива плочка за продавницата за апликации на која што ќе бидат прикажувани нови апликации и игри, како и досегашните достапни надградби. Плочката ќе биде ажурирана на секои 6 часа
- Можност за селектирање на повеќе SMS пораки за нивно препраќање или бришење
- Подобрувања на Xbox Music апликацијата
- Можност за поврзување на VPN мрежи преку јавни Wi-Fi точки
- Подобрена работа на Internet Explorer
- Поддршка за брзо High-voltage полнење
- Поддршка за интерактивни футроли
Доколку не сте корисник на Preview for Developers програмата која што ви нуди можност бесплатно да добиете пристап до надградбите кои што ги добиваат програмерите, истото можете да го направите на следниот начин:
- Креирајте бесплатна сметка на http://appstudio.windows.com користејќи ја вашата Microsoft сметка која што ја користите на вашиот Windows Phone уред
- Симнете ја Preview for Developers апликацијата од продавницата за апликации
- Чекирајте ја опцијата Enable Preview for Developers
- Проверете за нови надградби преку Phone Update во Settings
Враќање на претходната верзија од оперативниот систем не е можно, а како и секоја верзија наменета за програмерите, можни се одредени багови, па инсталирањето на оваа верзија не е препорачливо за корисниците кои што немаат доволно познавање.
Обновено: Надградбата се состои од две надградби од кои што втората е Update 1. Корисниците на HTC 8X и 8S можат да ја инсталираат првата надградба, меѓутоа втората и главна се’ уште не е достапна. Ќе бидат објавени повеќе информации кога ќе биде објаснето за што се работи.
Обновено 2: Поради потреба од дополнителни OEM драјвери од производителот, во овој случај од HTC, кориниците на 8X и 8S нема да можат да ја инсталираат Update 1 надградбата до официјалното пуштање на истата за сите корисници од страна на HTC. Дали од компанијата ќе одлучат да ги овозможат драјверите порано, останува да се види.
Обновено 3: HTC изјави дека после одреден период на истражување на проблемот со 8X/8S уредите, 8S нема да ја добие најновата надградба, додека 8X ќе ја добие за краток период.
Дали сте корисник на Preview for Developers програмата и дали ги инсталирате најновите верзии од Windows Phone оперативниот систем ?
