Со огромно задоволство го најавуваме првиот Tech Insights настан во живо, во организација на Women in Tech Macedonia, Kin + Carta & Europe House Skopje. Придружете ни се на 19ти октомври во просториите на Europe House Skopje со почеток од 18:30 часот и искористете ја можноста да се запознаете со две важни теми што се однесуваат на програмирањето и тестирањето на продукти. Повеќе за настанот на следниот линк: https://fb.me/e/fkXRTx14b.
Влезот е апсолутно бесплатен и секој кој се интересира за овие теми е добредојден. Бројот на присутни е ограничен, па побрзајте да го резервирате своето место.
Говорниците ќе разговараат за следниве две теми:
ТЕМА 1: “Програмирање без QA – Искористување на можностите и соочување со предизвиците”. Во овој дел од настанот, ќе се разговара за начините на кои програмерите можат да работат и со развиваат софтвер без директно вклучување на Quality Assurance (QA) тимовите. Своите искуства и експертиза ќе ги споделат Биљана Цветковска, дел од JS тимот во Kin + Carta, како full stack js developer од 2016та година, и Иван Трајковски, Javascript Developer во Kin + Carta со повеќе од 3 години искуство.
ТЕМА 2: “Предноста на тестирањето при развој на продукт”. Втората тема се фокусира на важноста на тестирањето во развојот на софтверски продукти. На темата ќе зборуваат Александра Петровска 3 години дел од QA тимот во Kin + Carta како софтвер тестер. Говорничката ќе ги сподели предностите на квалитетното тестирање и како тоа може да допринесе за подобрување на квалитетот на продуктите.
Women in Tech Macedonia, Kin + Carta и Europe House Skopje се горди што го организираат овој настан и ги покануваат сите заинтересирани да ни се придружат на 19ти октомври. Ви ветуваме интересни дискусии, вредни искуства и можност за запознавање со врвни професионалци од индустријата.
Доколку сакате да бидете дел од Women In Tech Macedonia, приклучете се кон заедницата тука.
