Од 30. септември до 1. октомври, Скопје по трет пат ке биде домаќин на водечкиот регионален настан посветен на вештачката интелигенција – AI Tech Summit 2025.
Вештачката интелигенција одамна не е само концепт и визија. Интегрирана е во секој аспект од нашите животи, од автоматизација на работни процеси до постојани иновации во најразлични индустрии. Технологиите кои ги носи ВИ отвораат нови можности за решавање на комплексни проблеми, а брзината со која таа се развива и влијае врз општеството, бара отворен дијалог и разбирање на промените што ги носи.
Повеќе од 20 врвни експерти и панелисти од различни индустрии ќе споделат конкретни и практични примени на ВИ – од здравството, финансиите и производството, па се до малопродажбата и автоматизацијата.
Фокусот е ставен на ВИ апликациите, практичните алатки и дигиталната трансформација – теми од клучно значење за иднината на секој бизнис.
Минатата година, самитот привлече над 700 професионалци од различни сфери. Оваа година се очекува уште поголем интерес, со агендата што се дефинира како највлијателна досега – со едукативни сесии, панели, дискусии и можности за вмрежување. Најважно од сè е тоа што посетителите ќе заминат од овој настан со стекнати знаења и ВИ вештини кои веднаш можат да ги применат во пракса.
Marco Guerriero, Michael Berns, Andreas Horn, Alla Pavlova, Damjan Veljanoski и Mollie Claypool се само дел од говорниците кои ќе присуствуваат на AI Tech Summit 2025.
Покрај тоа, третото издание на AI Tech Summit 2025 во Скопје добива уште подлабоко значење – посветеност и чест кон својот основач Филип Аврамчев, основачот на самитот за вештачка интелигенција, кој за жал прерано нѐ напушти оваа година, а чие визионерство остави силен печат во технолошката заедница.
Неговата цел беше да ја направи вештачката интелигенција практична, достапна и влијателна во сите индустрии и да го позиционира Скопје како епицентар на модерното, новото и корисното. Сега, неговата визија и идеи продолжуваат да живеат токму преку самитот што самиот го започна.
Ова не е само уште еден технолошки настан – ова е моментот каде иднината се случува.
Картите се достапни на следниот линк: www.techsummit.ai
Следете го самитот на Instagram и Facebook за сите новитети, ексклузивни содржини и најави на говорници.
Погледнете дел од атмосферата од минатогодишното издание одржано во Скопје.
