Скопје, 30 мај 2025 – Galaxy AI е создадена да разбере што ви треба дури и пред да прашате – било да се работи за предлог за промена на вашата рутина или за пронаоѓање на вистинската информација во вистинскиот момент. Овој степен на персонализација може да биде навистина корисен, но колку повеќе знае вашиот телефон, толку повеќе има што да се заштити. Па, што ја чува целата таа лична информација безбедна?
Samsung верува дека нема приватност без силна безбедност. Затоа секое Galaxy уред е заштитено од самиот чип со повеќеслоен пристап, кој вклучува персонализација на самиот уред, обработка во облакот под контрола на корисникот и заштита низ целиот екосистем преку Samsung Knox Matrix.
Во срцето на овој систем се наоѓа Samsung Knox Vault, хардверско решение на Samsung за вашите најчувствителни информации.
Заштита на хардверско ниво
Повеќето уреди се потпираат само на софтвер за да ја заштитат чувствителната информација, но Galaxy уредите одат чекор понатаму.
Knox Vault е безбедносно решение на хардверско ниво што создава физичка бариера помеѓу вашите најприватни информации и се останато. Тоа функционира како заклучена просторија во вашиот телефон, со сопствен процесор и меморија. Поврзувањето на безбеден процесор и посветена меморија овозможува изолација на вашите лозинки, ПИН-кодови, биометриски податоци и криптографски клучеви. Ова се информации до кои не сакате никој да има пристап – и Knox Vault е создаден да ве осигура дека тие ќе останат приватни.
Нема потреба да го активирате или управувате со него – тој е секогаш вклучен, работи тивко во позадина, и ги чува вашите податоци безбедни додека вие си ги извршувате дневните обврски.
Ова е особено важно во ерата на вештачката интелигенција, бидејќи грижите на корисниците веќе не се ограничени само на класични закани за сајбер-безбедност, како вируси и малициозен софтвер, туку се шират и на протекување лични податоци – како разговори со вашиот AI асистент. И како што AI станува дел од се повеќе секојдневни задачи, така се проширува и спектарот на податоци што треба да се заштитат.
На пример, метаподатоците од локациски услуги во вашите најлични фотографии не само што содржат информации за резолуција и формат на датотека, туку можат лесно да откријат каде живеете и точното место каде што е направена фотографијата. Во ерата на AI, лични информации како вашата адреса, идентификациски број на лице, идентификација на личност, тип на миленик, тип на сцена и друго, мора да бидат шифрирани и складирани на безбедна локација. Овие податоци не се само обични фајлови – тие се длабоко поврзани со вашиот секојдневен живот.
Knox Vault помага во ублажување на овие се поголеми грижи преку безбедно складирање на личните информации во сигурно, хардверски изолирано опкружување, дизајнирано да спречи и физичко мешање и далечински напади, осигурувајќи дека вашите податоци не можат да бидат пристапени без ваша дозвола.
Персонализирана вештачка интелигенција, заштитена во сржта
Knox Vault не само што обезбедува заштита од денешните закани, туку и ја гарантира вашата приватност додека мобилните искуства постојано се развиваат. Како што Galaxy AI станува сѐ покорисна, така станува и сѐ поперсонализирана — учи како го користите уредот и се прилагодува на вашите потреби. А бидејќи ова се заснова на длабоко лични податоци, Knox Vault игра клучна улога во нивното зачувување како приватни.
Функции како Now Brief нудат корисни резимеа и предлози засновани на вашата дневна активност, додека Modes and Routines автоматски креира рутини прилагодувајќи ги поставките според вашите навики. Овие алатки, заедно со прецизно прилагодените AI искуства што ги овозможуваат, се управувани од мапа на персонализирани податоци – податоци кои се шифрирани, при што Knox Vault ги чува клучевите.
Galaxy AI исто така обезбедува приватност преку обработка на задачи директно на уредот, каде што е можно, задржувајќи ги податоците во ваши раце и далеку од онлајн сервери. На пример, Audio Eraser ги отстранува звучните шумови од видеа или гласовни снимки без потреба од обработка преку облак — со што вашите лични информации остануваат приватни. Функциите Call Transcript и Summary функционираат на ист начин, организирајќи ги вашите повици и истовремено осигурувајќи дека личните разговори остануваат приватни, бидејќи остануваат на самиот уред.
Knox Vault осигурува дека вашите податоци се заштитени, доверливи и безбедни. Надградувајќи ја својата улога во Galaxy AI како доверлива основа за безбедност и приватност, Knox Vault ќе продолжи да се проширува низ сè поголемиот екосистем на вештачка интелигенција на Samsung, како што AI станува сѐ подлабоко интегрирана во корисничкото искуство.
Knox Vault е повеќе од само безбедносна функција – тоа е ветувањето на Galaxy дека без разлика колку ќе напреднат уредите или колку ќе се развие вештачката интелигенција, вашата приватност останува заштитена.
