China Mobile Suzhou и Huawei постигнаа нова пресвртница со верификацијата на можностите за 5G позиционирање во затворен простор во сценаријата на метро транспортот во Сужоу – голем град лоциран долж југоисточниот раб на провинцијата Џиангсу во источна Кина. Верификацијата покажа дека, дури и со прикривање на pRRU, може да се постигне прецизност на позиционирање од 3 до 5 метри во 90 проценти од платформите и салите. Ова е првпат 5G позиционирање во затворен простор да биде потврдено на светските мрежи во живо, обезбедувајќи драгоцено искуство за комерцијален раст на 5G позиционирањето во вертикалните индустрии.
Услугите засновани на локациите во затворено имаат голема побарувачка на вертикални апликации, како што се внатрешна навигација, следење на средства, геофенсинг, управување со логистика и управување со персоналот, што го рефлектира огромниот пазарен простор на позиционирање во затворени простории. Во моментов, технологиите за позиционирање во затворено се многу разновидни и повеќето од нив треба да бидат применети и одржувани поединечно, што резултира со високи трошоци од крај до крај. Како дел од континуираната еволуција на 5G, позиционирањето е додадено во 3GPP Release 16, финализирано кон средината на 2020 година, за да се реализира позиционирањето во затворено, користејќи ја ултра-високата резолуција на сигналот, зајакната со големиот пропусен опсег на 5G, мерењата на повеќе точки и примената на компјутери со повеќекратен пристап.
Верификацијата е заснована на 5G дигиталното внатрешно решение на Huawei, LampSite и водечкото MEC решение. LampSite eдиниците ги мерат радио сигналите на 5G уредите и работат со MEC за да ги анализираат карактеристиките на сигналот. Врз основа на резултатите од анализата, водечките алгоритми се користат за прецизно лоцирање на 5G уредите.
За разлика од постоечките технологии за внатрешно позиционирање, 5G позиционирањето во затворен простор им овозможува на телекомуникациските оператори да пружаат услуги за позиционирање преку истите мрежи што ги поставиле за да обезбедат мобилни 5G услуги. Покрај тоа, овој нов пристап овозможува отворање на можностите за позиционирање за апликациите од горниот слој преку MEC, ставајќи ги телеком операторите во единствена позиција за развој на 5G индустрискиот екосистем. Со повторна употреба на постоечкиот систем за пружање на услуги за позиционирање, 5G позиционирањето ќе им помогне на индустриските корисници значително да ги намалат трошоците за инвестирање.
Бидејќи 5G брзо се шири во различните индустрии, 5G позиционирањето во затворено ќе им овозможи на телекомуникациските оператори да пружаат разновидни услуги со голема вредност за транспортните центри, индустриското производство, здравствените услуги и другите програми, кои во голема мерка зависат од точните информации за локацијата, што ќе биде клучно за растот на 5GtoB пазарниот простор.
