Една од најдобрите можности на мобилната апликација од YouTube е можноста да видеото што го гледаме продолжи, во намален формат на долниот дел од екранот, додека пребаруваме по апликацијата за некое друго видео за гледање.
Со ова се овозможува непрекинато гледање на содржина на оваа мрежа, организирано по редослед на гледање како што му одговара на секој корисник.
После повеќе месеци на тестирање, оваа можност е префрлена и на десктоп, односно на YouTube страната која ја отвораме преку интернет прелистувач на десктоп компјутерите.
Истата не се вклучува автоматски како на мобилната апликација, па за таа цел е додадено нов копче, веднаш до тоа за гледање на целиот екран. Кога ќе се притисне ова копче, видеото се намалува е префрлува на долниот десен агол од прелистувачот.
Оваа нова можност е наречена „miniplayer“ и по нејзиното вклучување, може слободно да се продолжи со сурфање на YouTube страната и да се бара нешто друго за гледање.
Самиот плеер го има насловот на видеото, како и контроли за „премотување“ и пуштање на наредната содржина од плејлистата. По вклучување на плеерот, YouTube се враќа на главната страна или на последната страна која е разгледувана.
Како и секогаш, оваа нова функција може да биде постепено пуштана, па да не можете веднаш да ја видите. Тоа значи дека ќе ви стане достапна во неделите што следат, па проверувајте од време на време.