Google излезе со известување наменето за корисниците на G Suite, меѓутоа веруваме дека промените, барем понатаму, ќе бидат наменети за сите корисниците на сервисите на оваа компанија.
Најавената промена е мала и се однесува на страната на која како корисници се најавуваме на нашата Google сметка. Истата ќе биде направена да биде повеќе во правец на дизајн правилата поставени со познатиот Google Material дизајн.
Како што се гледа на сликата, промената ќе вклучува минимални промени во логото, поставеноста на логото и текстот сега ќе биде во средина, а можеби најголемата и најмногу забележлива промена ќе биде во полето за текст, кое сега ќе има сина рамка.
Промените официјално започнуваат од 14-ти јуни, па корисниците не треба да се изненадат кога ќе ги видат, односно сега ќе знаат дека се работи за официјална промена.