Една од најинтересните новости минатата недела беше таа за успешно направеното вертикално слетување на Falcon 9 ракетата на SpaceX компанијата. Тие после неколку неуспешни вакви слетувања, беа „претркани“ од Blue Origin на Џев Безос.
Големата важност на вертикалното слетување е во тоа што овој начин овозможува повторно искористување на ракетата, со што се заштедуваат огромни суми на пари.
Сега, за секоја вселенска мисија потребно е користење на нова ракета, што значи дека потребни се милионски суми за производство на нови ракети.
Со секоја понова генерација од мобилните телефони, како корисници добиваме се повеќе јадра на процесорот кој што се вградува. По автоматизам сметаме дека колку повеќе јадра, толку подобри перформанси ќе има нашиот скапо платен уред. Меѓутоа, едно истражување сака да докаже дека ова не секогаш е случајот, па мобилните уреди ретко ги искористуваат сите јадра од процесорот.
Поради тоа, многу подобри перформанси може да се добијат доколку се користат помал број на подобри јадра, што кога подобро ќе се размисли, воопшто не звучи изненадувачки како логика.
Како дел од советите кои што се трудиме што почесто да ги има на Смартпортал, минатата недела можевме да прочитаме за тоа како да ги „контролирате“ вашите деца на интернет и со тоа да ги заштитите од негативните влијанија на кои што може да бидат изложени.
Windows 10 го искористивме како оперативниот систем за оваа намена во кој што е достапно креирање на посебна корисничка сметка за децата која што може точно да биде прилагодена и контролирана од страна на администраторот, односно во овој случај родителот.
Од Huawei го добивме на користење телефонот од ниската класа Y6. Истиот го користевме во периодот додека беше кај нас, па во рецензијата ги истакнавме нашите искуства и мислења за овој одличен телефон.
Останатите новости кои што не треба да пропуштите да ги прочитате се следните:
- Нов фотонски процесор работи со помош на светлина, има 10 до 50 пати побрз трансфер
- Кинески пронаоѓач измисли против земјотресен кревет
- HTC One X9 – 5,5 инчен телефон од средно-високата класа со поволна цена
- Официјално преставен Samsung Galaxy A9 – Гигантски телефон со голема батерија и луксузна изработка
- Макпетрол ја пушти реновираната и со нов концепт бензинска станица Партизанска на која ќе се точи и Метан
- Петер Сунде создаде машина за постојано кршење на авторско право со mp3-ки
- Apple ќе му плаќа 0,5% од приходите од продадените iPhone-и на Ericsson?
- Facebook видеата ќе бидат прикажувани во HTML5
- Yu Yutopia – Моќни перформанси, достапна цена и Cyanogen OS
- Автономните возила прават сообраќајќи бидејќи се совршени возачи
- Facebook им нуди на вработените 10.000 долари за да се преселат во радиус од 16 км