Кинескиот производител Meizu го претстави Meizu PRO 5 Ubuntu Edition којшто до сега е најјакиот телефон кој работи на овој оперативен систем. Пренаменет од понудата на компанијата на Android телефони, овој телефон ќе може да го покаже Ubuntu оперативниот систем во најдобро светло, а посебно со Convergence можноста.
За оваа година веќе се најавени нови телефони од партнерските производители на Android телефони, па Canonical може да се каже дека ќе изгради добро портфолио на уреди кои треба да ја промовираат платформата.
Додека читаме за телефони од високата класа како Meizu Pro 5 или денеска претставените Galaxy S7 модели и LG G5, во Индија можевме да го видиме досега најевтиниот мобилен телефон.
Freedom 251 е наречен овој телефон, а бројката ја покажува цената на уредот во рупии, а тоа е околу 200 денари. Цената на овој уред е добиена со користење на послаби компоненти, но најверојатно и субвенции од индиската влада. Првите тестирања на уредот покажуваат дека не може да се очекува скоро ништо од уред со ваква цена, па повеќето корисници се незадоволни од неквалитетот на изработка.
Интересна теорија за тоа зошто досега немаме најдено доказ за некоја вонземна цивилизација, како и зошто некоја од нив ја нема посетено Земјата. Според оваа теорија, причината за тоа е изумреноста на поголемиот дел од животот во вселената којшто не можеме да го детектираме на време поради големата оддалеченост.
Едно од поинтересните случувања изминатата недела, а посебно поради веќе старите информации од Едвард Сноуден, беше писмото со коешто Тим Кук се спротивстави на барањето од американските власти да тие помогнат во пробивањето на заштитата на iPhone уред на осомничен за тероризам.
Следењето на овој случај е посебно интересно поради преседанот којшто може да биде поставен, па властите почесто да поднесуваат вакви барања до компаниите.
Останатите новости од минатата недела ги вклучуваат следните:
- Windows 10 Mobile конечно ќе стане достапен од 29-ти февруари?
- Кабина која се откачува како спас при авионски несреќи
- Според граѓаните во Македонија Македонски Телеком има најдобра мрежа
- Sony претстави нов подобрен камера сензор со 22,5 мегапиксели за смартфоните
- 100 Kickstarter факти за 100.000 успешно финансирани проекти
- Samsung ја пушта Marshmallow надградбата за Galaxy S6 моделите
- Конечно претставен Microsoft Lumia 650 – Има AMOLED екран и ќе чини 230 евра
- LG претстави два нови смартфони од средната класа со уникатни карактеристики
- Постигнати рекордни брзини на пренос на податоци преку едно оптичко влакно
- Чиповите на Intel во иднина ќе бидат побавни, но поекономични