Иако мора да постои одреден степен на автоматизација при прикажувањето на статиите кај агрегаторите на вести, сепак голем дел од нив функционираат со помош на уредници и новинари кои ги проверуваат и избираат тие кои на крајот ги гледаат корисниците.
Microsoft има три места каде прикажува новости, агрегирани од голем број на извори и голем број на теми, односно при отворање на Edge прелистувачот, на msn.com и на нивната прилично нова Microsoft News апликација.
Содржината која се прикажува на овие страни и сервиси е проверувана и избирана од страна на новинари и уредници, но како што веќе одреден период се знае за овој вид на работни места, тие ќе бидат заменети и веќе нема да бидат потребни да работат во Microsoft.
Од компанијата ќе бидат отпуштени десетици новинари и уредници кои имаат работено во msn.com, како и Microsoft News. Нивната работа ќе биде заменета со систем од вештачка интелигенција кој ќе ја врши проверката на статиите и ќе бира кои да бидат објавени, односно прикажани за читателите.
Според неофицијални информации, од Microsoft планираат да отпуштат околу 50 работници во САД и уште 27 во Британија.