Уште ја чекаме најавата на петтата и последна сезона од една од најпопуларните серии, Stranger Thigs. Најверојатно оваа сезона може да се очекува идната година, но останува да почекаме на информациите.
Во меѓувреме од компанијата најавија дека ќе работат на анимирана серија Stranger Things, но за истата не дадоа ништо повеќе информации, дури серијата уште нема ни име.
Тоа што го знаеме е дека анимираната серија ќе биде креирана од страна на Мет и Рос Дафер кои стојат зад главната серија. Тие ќе бидат продуценти на серијата преку нивната Upside Down Pictures компанија.
„Отсекогаш сонувавме за анимирана Stranger Thigs серија во стилот на цртаните филмови во сабота наутро кои ги гледавме додека растевме и гледајќи го овој сон како се остварува е навистина возбудливо.“ – истакнаа Дафер браќата.
Ова може да ни даде одредени очекувања, но сепак ќе мора да почекаме додека излезат повеќе информации за серијата, за која во овој момент нема ниту еден цртеж, односно графика.
