Двете авионски несреќи кои се случија во рок од 5 месеци, а го вклучуваа истиот нов модел од Boeing 737 MAX во 2018 и 2019, привлекоа посебно внимание. Чудно беше што два модерни авиони од компанија како Boeing може да се причина за несреќите, а информациите кои излегоа со текот на месеците открија нешто доста поголемо.
Boeing со цел да подобро конкурира со Airbus, го прилагодува нивниот најпродаван модел, 737, со нови и поштедливи мотори, наместо да развие целосно нов авион. Со цел да продажбата на овие авиони оди побрзо, без потреба од одобрување од страна на регулаторните тела, како и со помали трошоци за компаниите без потреба од дополнителна обука на пилотите, Boeing го вградува сега веќе озлогласениот MCAS систем.
Овој систем, кратко кажано, е замислен да го прилагоди авионот во случаи кога поради новите мотори може да дојде до нагло губење на висината поради насоченост на „носот“ нагоре. Регулаторните тела, како и повеќето пилоти не знаеле за овој систем, па погрешните информации од сензори кај двата паднати авиони, доведуваат до непотребните несреќи.
Downfall е одличен документарен филм на Netflix во кој детално се разгледуваат причините за вградувањето на MCAS, конкуренцијата со Airbus, а уште повеќе, криењето на информации од регулаторните тела и авио компаниите.
Работите почнуваат да се движат во ваков правец доста порано во компанијата, а како што е претставено во документарецот, кога профитот на акционерите станува најважна работа во компанијата која порано била позната по безбедноста.
